ޔޫރޯ ސްޓޯރުން އިޓަލީގެ މަޝްހޫރު 'ބިންޑީ' ބްރޭންޑުގެ އުފެއްދުންތައް ރާއްޖެ ތައާރަފުކޮށްފި
ރާއްޖެއަށް މަޝްހޫރު ބްރޭންޑުތަކުގެ ކާބޯތަކެތި އެތެރެކޮށް މާކެޓްކުރާ ޔޫރޯ މާކެޓިންގް އިން އިޓަލީގެ މަޝްހޫރު ޕެޓިސަރީ ބްރޭންޑެއް ކަމަށްވާ "ބިންޑީ ޑެސަޓް" ރާއްޖެއަށް ތައާރަފުކޮށްފިއެވެ.
އިޓަލީގެ 'މައެސްޓްރީ ޑެލް ޑެސަޓް' ގެ ގޮތުގައި މަޝްހޫރުވެފައިވާ މި ބްރޭންޑުގެ އުފެއްދުންތައް މިހާރު ޔޫރޯ ސްޓޯރުން ލިބެން ހުންނާނެ ކަމަށް އެ ކުންފުނިން ބުނެއެވެ.
1946 ވަނަ އަހަރު އުފެދުނު ބިންޑީ ބްރޭންޑަކީ ފާއިތުވި އަށްޑިހަ ވަރަކަށް އަހަރު ތެރޭގައި އިޓަލީގެ ފޮނިކާތަކެތި ތައްޔާރުކުރުމުގެ ދާއިރާގައި ބޮޑު މަގުބޫލުކަމެއް ހޯދާފައިވާ ބްރޭންޑެކެވެ. މި ބްރޭންޑުގެ އަމާޒަކީ ރެސްޓޯރަންޓް ފެންވަރުގެ މޮޅު ފޮނިކާތަކެތި އާންމު ކޮންމެ ސުފުރާއަކަށްވެސް ފޯރުކޮށްދިނުމެވެ. ބިންޑީގެ ކޮންމެ އުފެއްދުމަކީވެސް އިޓަލީގެ ސަގާފީ ފޮނިކާތަކެތި ތައްޔާރުކުރުމުގެ މޮޅު ފަންނުވެރިކަމާއެކު ތައްޔާރުކޮށްފައިވާ އުފެއްދުންތަކެކެވެ.
ޔޫރޯ ސްޓޯރުން މިހާރު ލިބެން ހުންނަ ބިންޑީ ބްރޭންޑުގެ އުފެއްދުންތަކުގެ ތެރޭގައި ތަފާތު ވައްތަރުގެ ކޭކު، ސޫފްލޭ، ކްރީމް ޕަފްސް އަދި ވަކިވަކި ޑެސަޓް ކަޕްތައް ހިމެނެއެވެ. މީގެ ތެރޭގައި ފާހަގަކޮށްލެވޭ ބައެއް ބާވަތްތަކުގެ ތެރޭގައި "ޕްރީ-ކަޓް ތިރާމިސޫ ލޭޔާ ކޭކް"، އިކުއެޑޯގެ ކޮކޯ ބޭނުންކޮށްގެން ތައްޔާރުކޮށްފައިވާ "ޗޮކްލެޓް ޓެމްޕްޓޭޝަން"، އަދި އެކި ރަހަތަކުގެ ސޫފްލޭތައް ހިމެނެއެވެ.
މީގެ އިތުރުން ސިސިލީގެ ޕިސްޓާޗިއޯ ބޭނުންކޮށްގެން ތައްޔާރުކޮށްފައިވާ "ސިސިލިއަން ޕިސްޓާޗިއޯ ޑެސަޓް ކަޕް" އާއި "މަސްކަޕޯން އެންޑް ސްޓްރޯބެރީ ކަޕް" ފަދަ މީރު ރަހަތައް ޔޫރޯ ސްޓޯރުން ލިބެން ހުންނާނެއެވެ. މިއީ އާންމު ކަސްޓަމަރުންގެ އިތުރުން، ރާއްޖޭގެ ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކަށްވެސް އެ ފަރާތްތަކުގެ މެނޫތަކަށް އިޓަލީގެ އަސްލު ރަހަ ގެނައުމަށް ލިބޭ ރަނގަޅު ފުރުސަތެކެވެ.
ޔޫރޯ މާކެޓިންގް އިން ބުނީ މި އުފެއްދުންތައް ބަލާލުމަށާއި ރަހަ ބަލާލުމަށް ޔޫރޯ ސްޓޯރަށް ޒިޔާރަތްކުރުމުގެ ފުރުސަތު ހުޅުވާލެވިފައިވާ ކަމަށެވެ.
ބިންޑީ ބްރޭންޑަކީ އިޓަލީގެ ސަމޮންޓާނާ އިޓާލިއާ އެސް.ޕީ.އޭ ގެ އުފެއްދުމެކެވެ.
ރިއެކްޓް