2.4 ބިލިއަން ރުފިޔާ ޗާޕުކުރުމުގެ މުއާމަލާތް ކުރިއަށް ގެންދަން ޕެންޝަން ބޯޑުން ރުހުންދީފި
ޕެންޝަން އޮފީސް މެދުވެރިކޮށް ފައިސާ ޗާޕުކުރުމުގެ މުއާމަލާތް ކުރިއަށް ގެންދިއުމަށް ޕެންޝަން ބޯޑުން ރުހުން ދީފިއެވެ.
ޕެންޝަން ބޯޑުން ގަނެފައިވާ 2.4 ބިލިއަން ރުފިޔާގެ ބޮންޑު އެމްއެމްއޭއިން ގަތުމަށް ފަހު, އެ ފައިސާ ފިނޭންސް މިނިސްޓްރީގެ އާ ބޮންޑަކަށް އިންވެސްޓްކޮށްގެން ހިންގާ މި މުއާމަލާތަށް ބޯޑުން އިއްޔެ ރުހުން ދީފައިވާ ކަން އިތުބާރު ހުރި މަސްދަރަކުން "ވިރާސީ"އަށް ވަނީ ކަށަވަރުވެފައެވެ.
ނަމަވެސް, މިކަމާ ގުޅޭ ރަސްމީ އެއްވެސް ކަމެއް ޕެންޝަން އޮފީހުން ހާމަކޮށްފައިނުވެއެވެ.
ސަރުކާރުން ހުށަހަޅާފައިވާ 2.4 ބިލިއަން ބޮންޑުގެ މުއާމަލާތް ކުރިއަށް ގެންދިއުމަށް, ބޯޑުން ނިންމާފައިވަނީ ފައިސާ ޗާޕުކުރުމުގެ މުއާމަލާތް ކުރިއަށް ގެންދަން މަސައްކަތް ކުރާތީ ފެންޝަން އޮފީހުގެ ޗެއާމަން އަހުމަދު އިނާޒް އިސްތިއުފާ ދެއްވާފައިވަނިކޮށެވެ.
އެމްއެމްއޭ މެދުވެރިކޮށް މި މުއާމަލާތަށް ފައިސާ ހޯދުމަކީ އިގްތިސާދަށް މިހާލަތުގައި ގެއްލުން ބޮޑު ނިންމުމެއްކަމަށް އިނާޒް ވަނީ އިސްތިއުފާ ދެއްވަމުން ވިދާޅުވެފައެވެ.
ރިއެކްޓް