މޯދީގެ ދަތުރުފުޅުން ދެ ގައުމުގެ ގުޅުން އިތުރަށް ވަރުގަދަވާނެ: މައުމޫނު

އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެ ވަޑައިގަތުމާ ގުޅިގެން ކުރީގެ ރައީސް މައުމޫނު އަބްދުލް ގައްޔޫމް މަރުހަބާ ދަންނަވައިފިއެވެ.

ކުރީގެ ރައީސް މައުމޫނު  ކުރެއްވި ޓްވީޓެއްގައި ވިދާޅުވެފައިވަނީ، އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެއަށް ކުރައްވާ ޒިޔާރަތުގައި މަރުހަބާ ދެންނެވުމަކީ ވަރަށް ބޮޑު ޝަރަފެއް ކަމުގައެވެ.

Warm welcome to Your Excellency Prime Minister Narendra Modi (@narendramodi) to the Maldives. It is a great honour and privilege for us to receive you in our country.

May your visit further strengthen the deep rooted ties of friendship, understanding, and cooperation between our… pic.twitter.com/URDTnwdLvy

— Maumoon Abdul Gayoom (@maumoonagayoom) July 25, 2025

"އަޅުގަނޑުމެންގެ ޤައުމަށް ވަޑައިގަތުމުން އިއްޒަތްތެރި ބޮޑުވަޒީރު ނަރެންދްރަ މޯދީއަށް ހޫނު މަރުހަބާއެއް. އަޅުގަނޑުމެންގެ ޤައުމުގައި މަނިކުފާނަށް މަރުހަބާ ދެންނެވުމަކީ ވަރަށް ބޮޑު ޝަރަފެއް،" ކުރީގެ ރައީސް މައުމޫނު ވިދާޅުވިއެވެ.

މީގެއިތުރުން ރައީސް މައުމޫނު ވިދާޅުވެފައިވަނީ، މި ޒިޔާރަތުގެ ސަބަބުން ދެ ޤައުމުގެ ދެމެދުގައި އޮތް ގާތް ގުޅުމާއި، އެކުވެރިކަމާއި، އެއްބާރުލުން އިތުރަށް ހަރުދަނާވެގެންދާނެ ކަމުގެ އުންމީދު ކުރައްވާ ކަމަށެވެ.

އިންޑިއާގެ ބޮޑުވަޒީރު ނަރެންދުރަ މޯދީގެ މި ދަތުރުފުޅަކީ ދިވެހިރާއްޖެއާއި އިންޑިއާގެ ދެމެދުގައި އޮތް އެކުވެރިކަމުގެ ގުޅުން އިތުރަށް ބަދަހިކުރުމަށް މުހިންމު ދައުރެއް އަދާކުރާނެ ދަތުރުފުޅެއް ކަމަށް ބެލެވެއެވެ.