އިއްޒުއްދީން ފާލަން ސަރަހައްދުގެ ޓްރެފިކަށް ވަގުތީ ބަދަލުތަކެއް

މިނިވަން ދުވަހުގެ ހަރަކާތްތަކުގެ ރިހާސަލްތަކާ ގުޅިގެން، މި މަހުގެ 22 އިން 24 އަށް އިއްޒުއްދީން ފާލަން ސަރަހައްދުގެ ޓްރެފިކަށް ވަގުތީ ބަދަލުތަކެއް ގެނެވޭނެ ކަމަށް ފުލުހުން އިއުލާން ކޮށްފިއެވެ.

މި ގޮތުން ޖުލައި މަހުގެ 22 އިން 24 އަށް، ކޮންމެ ދުވަހެއްގެ ހަވީރު 4 އިން 6 އަށް އަދި ރޭގަނޑު 8 އިން 11 އަށް އިއްޒުއްދީން ފާލަން ސަރަހައްދުގެ ޓްރެފިކަށް ބަދަލު ގެނެވޭނެއެވެ. އަދި މި މުއްދަތުގައި އިއްޒުއްދީން ފާލަން ހިމެނޭ ސަރަހައްދަށް ކަނޑު އުޅަނދުފަހަރު ކައިރި ނުކުރެވޭނެ ކަމަށްވެސް ވަނީ އަންގާފައެވެ.

މިނިވަން ދުވަހުގެ ހަރަކާތްތަކުގެ ރިހާސަލްތަކާ ގުޅިގެން، ޖުލައި 22 އިން 24 އަށް، ކޮންމެ ދުވަހެއްގެ 16:00 އިން 18:00 އަށް އަދި 20:00 އިން 23:00 އަށް، ޗާޓުގައި ފާހަގަކޮށްފައިވާ ގޮތަށް ޓްރެފިކް ފްލޯއަށް ބަދަލު ގެނެވޭނެ ވާހަކަ ދަންނަވަން.
1/2 pic.twitter.com/2TDSwtUbmV

— Maldives Police (@PoliceMv) July 22, 2025

މިނިވަން ދުވަހުގެ ހަރަކާތްތަކުގެ ރިހާސަލްތައް ކުރިއަށްދާއިރު، އާންމު ރައްޔިތުންނަށް ދަތިނުވާނެ ގޮތަށް މި ކަންކަން ރާވާފައިވާ ކަމަށް ފުލުހުން މައުލޫމާތު ދެއެވެ. އަދި މި ވަގުތުތަކުގައި އެ ސަރަހައްދުން ދަތުރުކުރާ ފަރާތްތަކުން ސަމާލުކަން ދޭންޖެހޭ ކަންކަމާ ގުޅޭ މައުލޫމާތު ވަނީ އާންމުކޮށްފައެވެ.