ފްލެޓަށް ކުރިމަތިލުމުގެ ސުންގަޑި މިރޭގެ 2 ޖަހަންދެން އިތުރުކޮށްފި
ސަރުކާރުން ހިންގާ ބޯހިޔާވަހިކަމުގެ މަޝްރޫއުގެ ދަށުން ފްލެޓަށް އެދި ހުށަހެޅުމަށް ދީފައިވާ މުއްދަތު މިރޭ ދަންވަރު 2:00 އާ ހަމައަށް އިތުރުކޮށްފިއެވެ.
މި ނިންމުމަކީ މިރޭ ޕޯރޓަލްގެ މައްސަލަ ޖެހުމުގެ ސަބަބުން ފްލެޓަށް އެދި ހުށަހަޅަން ބޭނުންވާ ގިނަ ބަޔަކަށް އެ ފުރުސަތު ފަހިކޮށްދިނުމުގެ ގޮތުން ނިންމި ނިންމުމެކެވެ.
ކަނޑައެޅިފައިވާ ސުންގަޑި ހަމަވުމުގެ ކުރިން ގިނަ އަދަދެއްގެ ބަޔަކު ފޯމު ހުށަހަޅަމުންދާތީ، ސިސްޓަމަށް ބާރުބޮޑުވެދާނެތީ އާއި އަދި ހުށަހެޅުމުގައި ހުރި ދަތިތަކަށް ހައްލެއް ހޯދައިދިނުމަށް މި އިތުރު ވަގުތު ވަނީ ދީފައެވެ. ވީހާވެސް ގިނަ ރައްޔިތުންނަށް މި ފުރުސަތުގެ ބޭނުން ހިފުމަށް ކަމާބެހޭ އިދާރާތަކުން އިލްތިމާސްކުރެއެވެ.
މިރޭގެ ދަންވަރު 2:00 ގެ ފަހުން ފްލެޓަށް އެދި ހުށަހެޅުމުގެ ފުރުސަތު ބަންދުވާނެއެވެ. އެހެންކަމުން، މިހާތަނަށް ފޯމު ހުށަނާޅާ ފަރާތްތަކުން މި ލިބުނު އިތުރު ވަގުތުގެ ތެރޭގައި ހުރިހާ ލިޔެކިޔުންތަކާއެކު ފޯމު ހުށަހެޅުމަށް ވަނީ އަންގާފައެވެ.
ރިއެކްޓް