އީރާނާއިި އެމެރިކާއިން ހަނގުރާމަކުރަން ޖެހޭވަރު ނުރައްކަލެއް އެމެރިކާއަކަށް ނެތް: ކެންޓް
ޓަކަރ ކާލްސަންއަށް ދެއްވި އިންޓަވިއުއެއްގައި, އީރާނުގެ ފަރާތުން އެމެރިކާއަށް ވަގުތުން ކުރިމަތިވެދާނެ ނުރައްކަލެއް ނެތް ކަމަށް އެމެރިކާގެ ކައުންޓަރޓެރަރިޒަމްގެ ކުރީގެ އިސްވެރިޔާ ޖޯ ކެންޓް ވިދާޅުވެއްޖެއެވެ.
މަސްރަހު ގޯސްވެގެން ދިޔަ ދަނޑިވަޅުގައި "ވަގުތުން ކުރިމަތިވެދާނެ ނުރައްކަލެއް ނެތް" ކަމަށް ބަޔާންކުރައްވަމުން ކެންޓް ވިދާޅުވީ، އެ ސަރަހައްދުގައި އީރާނުގެ ސަބަބުން ނުރައްކާތަކެއް ހުރި ނަމަވެސް، އެމެރިކާގެ ފަސްގަނޑަށް އޭގެ ސަބަބުން ސީދާ އަދި ވަގުތުން ކުރިމަތިވެދާނެ ނުރައްކަލެއް ނެތް ކަމަށެވެ.
އިރާނާއި ކުރަމުންދާ ހަނގުރާމަ ކުށްވެރިކޮށް ކެންޓް އެ މަގާމުން އިސްތިއުފާދިނީ މިިދިޔަ އަންގާރަ ދުވަހުއެވެ.
މި ވާހަކަތައް އައިސްފައިވަނީ އަސްކަރީ ފިޔަވަޅު އެޅުމުގެ ސަބަބު މެދު އެމެރިކާގައި ބަހުސްތައް ކުރިއަށްދާ ދަނޑިވަޅެއްގައެވެ. ބައެއް ސިޔާސަތު ކަނޑައަޅާ ފަރާތްތަކާއި ދިރާސާވެރިން ދަނީ ނުރައްކަލުގެ މިންވަރު ހުރި ގޮތުން މަސްރަހު ގޯސްކޮށްލަން ޖެހޭތޯ ސުވާލު އުފައްދަމުންނެވެ. ނަމަވެސް، އަނެއްބަޔަކު ދަނީ ސަލާމަތީ ގޮތުން ހުރި ފުޅާ ކަންބޮޑުވުންތަކާއި އީރާނުން އެ ސަރަހައްދުގައި ހިންގާ ހަރަކާތްތަކާ ހަވާލާދީ، ސަރުކާރުގެ ނިންމުން ދިފާއުކުރަމުންނެވެ.
ރިއެކްޓް