14 އަހަރަށްފަހު އެޕަލްގެ ސީއީއޯގެ މަގާމުން ޓިމް ކުކް އިސްތިއުފާ ދީފި
އެޕަލް ކުންފުނީގެ ޗީފް އެގްޒެކެޓިވް އޮފިސަރުގެ މަގާމުން ޓިމް ކުކް އިސްތިއުފާ ދެއްވައިފިއެވެ. މިއާއެކު، ކުންފުނީގެ ބާނީ ސްޓީވް ޖޮބްސް އަވަހާރަވުމާ ގުޅިގެން 2011 ވަނަ އަހަރު އޭނާ ފެއްޓެވި ދައުރު މިވަނީ ނިމުމަކަށް އައިސްފައެވެ.
ދިހަ އަހަރަށްވުރެ ގިނަ ދުވަހު އެޕަލްގެ ސީއީއޯކަންކުރި ކުކް އަކީ، އެ ކުންފުންޏަކީ ދުނިޔޭގެ އެންމެ އަގުބޮޑު ޓެކްނޮލޮޖީ ކުންފުންޏަށް ހެއްދެވުމުގެ މޭސްތިރިޔާ ކަމަށް ގިނަ ބަޔަކު ގަބޫލުކުރެއެވެ. އޭނާގެ ދައުރުގައި ކުންފުނީގެ ހިދުމަތްތަކުގެ ދާއިރާ ފުޅާކުރައްވައި، އައިފޯން، އައިޕެޑް އަދި މެކް ފަދަ މުހިންމު އުފެއްދުންތަކުގެ ކާމިޔާބީ ދެމެހެއްޓެވިއެވެ.
މީގެ އިތުރުން، އޭނާގެ ލީޑަރޝިޕްގެ ދަށުން ތިމާވެށީގެ ދެމެހެއްޓެނިވިކަމާއި ސަޕްލައި ޗެއިންގެ މަސައްކަތްތައް ފުޅާކުރުމުގައި އެޕަލްއިން ބޮޑެތި ކުރިއެރުންތަކެއް ހޯދިއެވެ.
ކުކްގެ ދައުރަކީ ޖޮބްސްގެ އާދަޔާ ހިލާފު އީޖާދީ ލީޑަރޝިޕް ސްޓައިލާ ތަފާތު ދައުރެކެވެ.
ކުކްގެ ބަދަލުގައި އެ މަގާމަށް އަންނާނެ ފަރާތެއް ނުވަތަ އޭނާ އިސްތިއުފާ ދެއްވި ސަބަބާ ގުޅޭ އެއްވެސް ތަފްސީލެއް އެޕަލްއިން އަދި ހާމައެއް ނުކުރެއެވެ.
ރިއެކްޓް