24 ގަޑިއިރު ތެރޭގައި 20 އަށްވުރެ ގިނަ އުޅަނދު ހޮރްމޫޒް ކަނޑުއޮޅި ހުރަސްކޮށްފި
ފާއިތުވި 24 ގަޑިއިރު ތެރޭގައި މަދު އަދަދެއްގެ ވިޔަފާރި އުޅަނދުތަކެއް ހޮރްމޫޒް ކަނޑުއޮޅި ހުރަސްކޮށްފައިވާކަމަށް ރިޕޯޓުތައް ބުނެފިއެވެ.
އެމެރިކާގެ އޮފިޝަލުންނާ ހަވާލާދީ އެ ރިޕޯޓުގައި ބުނެފައިވަނީ، ދުނިޔޭގެ ތެޔޮ ސަޕްލައިއަށް މުހިންމު މި މަގުން 20 އަށްވުރެ ގިނަ އުޅަނދު ދަތުރުކޮށްފައިވާ ކަމަށެވެ. މިއީ ދުނިޔޭގެ އެންމެ މުހިންމުކަން ބޮޑު އެއް ކަނޑުގެ މަގުގައި، ރައްކާތެރިކަމާއެކު އަލުން ހަރަކާތްތައް ފެށެމުންދާކަމުގެ ނިޝާނެކެވެ.
ނަމަވެސް، ރަސްމީކޮށް މި އަދަދު އެއްވެސް ތަނަކުން ކަށަވަރުކޮށްދީފައެއް ނުވެއެވެ. އަދި އޮފިޝަލުން ފާހަގަކުރާ ގޮތުގައި އާންމު ހާލަތާ އަޅާބަލާއިރު ދަތުރުފަތުރުގެ މިންވަރު އަދިވެސް ހުރީ ވަރަށް ބޮޑަށް ދަށުގައެވެ. އާންމުގޮތެއްގައި އެ ކަނޑުއޮޅިން ދުވާލަކު 100 އަށްވުރެ ގިނަ އުޅަނދު ދަތުރުކުރެއެވެ.
ސަލާމަތީ ކަންބޮޑުވުންތަކުގެ ސަބަބުން އެ ސަރަހައްދުގެ ކަނޑުދަތުރުފަތުރަށް އަދިވެސް ބޮޑެތި ގޮންޖެހުންތަކެއް ކުރިމަތިވަމުންދާއިރު، ބައެއް އުޅަނދުތަކުން ދަތުރުތައް ފަސްކުރުން ނުވަތަ މަގު ބަދަލުކުރަމުންދާ ކަމަށް ރިޕޯޓުތައް ބުނެއެވެ.
ރިއެކްޓް