މަނީ ހެއިސްޓުގެ 'ޕްރޮފެސަރު' އެނބުރި އަންނަނީ
ދުނިޔޭގެ އެކި ކަންކޮޅުތަކުގައި ބޮޑު މަގުބޫލުކަމެއް ހޯދާފައިވާ ނެޓްފްލިކްސް ސީރީޒް "މަނީ ހެއިސްޓް" ގެ އެންމެ މުހިންމު އެއް ކެރެކްޓާ ކަމަށްވާ 'ޕްރޮފެސަރު' އަލުން ފެނިގެންދާނެ ކަމުގެ އިޝާރާތެއް ލިބިއްޖެއެވެ.
މަނީ ހެއިސްޓަކީ ދުނިޔޭގެ ފެންވަރުގައި ބޮޑު ތަރުހީބެއް ލިބިފައިވާ ސީރީޒެކެވެ. މި ސީރީޒްގައި ހިމެނޭ ތަފާތު ކެރެކްޓާތަކަށް ފޭނުންގެ ބޮޑު ލޯތްބެއް ލިބިފައިވާއިރު، އޭގެ ތެރެއިންވެސް އެންމެ ފާހަގަކޮށްލެވެނީ ރޭވުންތެރި ޕްރޮފެސަރުގެ ކެރެކްޓާއެވެ.
ނެޓްފްލިކްސް އިންޑިއާއިން ދާދި ފަހުން ވަނީ "ޕްރޮފެސަރު އިޒް ބެކް" މިފަދަ އިބާރާތެއް ހިމެނޭ އާޓްވޯކެއް ނުވަތަ ޕޯސްޓަރެއް އާންމުކޮށްފައެވެ. މިކަމާ ގުޅިގެން ފޭނުންގެ މެދުގައި ވަނީ ބޮޑު އުފާވެރިކަމެއް އުފެދިފައެވެ.
މަނީ ހެއިސްޓް ސީރީޒް ނިމިފައިވީ ނަމަވެސް، ޕްރޮފެސަރު އަލުން ފެންނާނީ ކޮން ގޮތަކަށްތޯ ބެލުމަށް ފޭނުން ތިބީ ކެތްމަދުވެފައެވެ. އަދި މިއީ އާ ސީޒަނެއްގެ ފެށުންތޯ ނުވަތަ އެހެން މަޝްރޫއެއްގެ ބައެއްތޯ ބެލުމަށް ގިނަ ބަޔަކު ދަނީ އިންތިޒާރު ކުރަމުންނެވެ.
ރިއެކްޓް